rog aise bhi gham-e-yar se lag jate hain
rog aise bhī ġham-e-yār se lag jaate haiñ
dar se uThte haiñ to dīvār se lag jaate haiñ
ishq āġhāz meñ halkī sī ḳhalish rakhtā hai
baad meñ saikḌoñ āzār se lag jaate haiñ
pahle pahle havas ik-ādh dukāñ kholtī hai
phir to bāzār ke bāzār se lag jaate haiñ
bebasī bhī kabhī qurbat kā sabab bantī hai
ro na paa.eñ to gale yaar se lag jaate haiñ
katraneñ ġham kī jo galiyoñ meñ uḌī phirtī haiñ
ghar meñ le aao to ambār se lag jaate haiñ
daaġh dāman ke hoñ dil ke hoñ ki chehre ke 'farāz'
kuchh nishāñ umr kī raftār se lag jaate haiñ
rog aise bhi gham-e-yar se lag jate hain
dar se uThte hain to diwar se lag jate hain
ishq aaghaz mein halki si KHalish rakhta hai
baad mein saikDon aazar se lag jate hain
pahle pahle hawas ik-adh dukan kholti hai
phir to bazar ke bazar se lag jate hain
bebasi bhi kabhi qurbat ka sabab banti hai
ro na paen to gale yar se lag jate hain
katranen gham ki jo galiyon mein uDi phirti hain
ghar mein le aao to ambar se lag jate hain
dagh daman ke hon dil ke hon ki chehre ke 'faraaz'
kuchh nishan umr ki raftar se lag jate hain
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
