dard to maujud hai dil mein dawa ho ya na ho

dard to maujūd hai dil meñ davā ho yā na ho

bandagī hālat se zāhir hai ḳhudā ho yā na ho

jhūmtī hai shāḳh-e-gul khilte haiñ ġhunche dam-ba-dam

bā-asar gulshan meñ tahrīk-e-sabā ho yā na ho

vajd meñ laate haiñ mujh ko bulbuloñ ke zamzame

aap ke nazdīk bā-ma.anī sadā ho yā na ho

kar diyā hai zindagī ne bazm-e-hastī meñ sharīk

us kā kuchh maqsūd koī mudda.ā ho yā na ho

kyuuñ civil-surgeon kā aanā roktā hai ham-nashīñ

is meñ hai ik baat honour kī shifā ho yā na ho

maulvī sāhib na chhoḌeñge ḳhudā go baḳhsh de

gher hī leñge police vaale sazā ho yā na ho

membarī se aap par to vārnish ho jā.egī

qaum kī hālat meñ kuchh is se jilā ho yā na ho

mo'tariz kyuuñ ho agar samjhe tumheñ sayyād dil

aaise gesū huuñ to shub.h daam kā ho yā na ho

dard to maujud hai dil mein dawa ho ya na ho

bandagi haalat se zahir hai KHuda ho ya na ho

jhumti hai shaKH-e-gul khilte hain ghunche dam-ba-dam

ba-asar gulshan mein tahrik-e-saba ho ya na ho

wajd mein late hain mujh ko bulbulon ke zamzame

aap ke nazdik ba-mani sada ho ya na ho

kar diya hai zindagi ne bazm-e-hasti mein sharik

us ka kuchh maqsud koi muddaa ho ya na ho

kyun ciwil-surgeon ka aana rokta hai ham-nashin

is mein hai ek baat honour ki shifa ho ya na ho

maulwi sahib na chhoDenge KHuda go baKHsh de

gher hi lenge police wale saza ho ya na ho

membari se aap par to warnish ho jaegi

qaum ki haalat mein kuchh is se jila ho ya na ho

mo'tariz kyun ho agar samjhe tumhein sayyaad dil

aaise gesu hun to shubh dam ka ho ya na ho