darguzar jitna kiya hai wahi kafi hai mujhe

darguzar jitnā kiyā hai vahī kaafī hai mujhe

ab tujhe qatl bhī kar duuñ to muāfī hai mujhe

mas.ala aise koī hal to na hogā shāyad

sher kahnā hī mire ġham kī talāfī hai mujhe

daf.atan ik na.e ehsās ne chauñkā sā diyā

maiñ to samjhā thā ki har saañs izāfī hai mujhe

maiñ na kahtā thā davā.eñ nahīñ kaam ā.eñgī

jāntā thā tirī āvāz hī shāfī hai mujhe

is se andāza lagāo ki maiñ kis haal meñ huuñ

ġhair kā dhyān bhī ab va.ada-ḳhilāfī hai mujhe

vo kahīñ sāmne aa jaa.e to kyā ho 'javvād'

yaad hī us kī agar sīna-shigāfī hai mujhe

darguzar jitna kiya hai wahi kafi hai mujhe

ab tujhe qatl bhi kar dun to muafi hai mujhe

masala aise koi hal to na hoga shayad

sher kahna hi mere gham ki talafi hai mujhe

dafatan ek nae ehsas ne chaunka sa diya

main to samjha tha ki har sans izafi hai mujhe

main na kahta tha dawaen nahin kaam aaengi

jaanta tha teri aawaz hi shafi hai mujhe

is se andaza lagao ki main kis haal mein hun

ghair ka dhyan bhi ab wada-KHilafi hai mujhe

wo kahin samne aa jae to kya ho 'jawwad'

yaad hi us ki agar sina-shigafi hai mujhe