darida-jaib gareban bhi chaak chahta hai
darīda-jaib garebāñ bhī chaak chāhtā hai
vo ishq kyā hai jo dāman ko paak chāhtā hai
mire ġhamoñ se sarokār bhī vo rakkhegā
merī ḳhushī meñ javāb ishtirāk chāhtā hai
phir aaj shart lagā.ī hai dil ne vahshat se
phir aaj dāman-e-ehsās paak chāhtā hai
vo tañg aa ke zamāne kī sard-mehrī se
ta.alluqāt meñ phir se tapāk chāhtā hai
tamām umr rahā ḳhud tabāh-hāl magar
nasīb bachchoñ kā vo tābnāk chāhtā hai
ajiib nazroñ se taktā hai vo dukānoñ ko
ġharīb bachchī kī ḳhātir frock chāhtā hai
baġhair ḳhuun kiye dil ko kuchh nahīñ miltā
koī bhī fan ho 'zakī' inhimāk chāhtā hai
darida-jaib gareban bhi chaak chahta hai
wo ishq kya hai jo daman ko pak chahta hai
mere ghamon se sarokar bhi wo rakkhega
meri KHushi mein jawab ishtirak chahta hai
phir aaj shart lagai hai dil ne wahshat se
phir aaj daman-e-ehsas pak chahta hai
wo tang aa ke zamane ki sard-mehri se
talluqat mein phir se tapak chahta hai
tamam umr raha KHud tabah-haal magar
nasib bachchon ka wo tabnak chahta hai
ajib nazron se takta hai wo dukanon ko
gharib bachchi ki KHatir frock chahta hai
baghair KHun kiye dil ko kuchh nahin milta
koi bhi fan ho 'zaki' inhimak chahta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
