dariya ki rawani wahi dahshat bhi wahi hai

dariyā kī ravānī vahī dahshat bhī vahī hai

aur Dūbte lamhāt kī sūrat bhī vahī hai

alfāz bhī likkhe haiñ vahī nok-e-qalam ne

aurāq pe phailī huī rañgat bhī vahī hai

kyuuñ us kā sarāpā na huā naqsh-ba-dīvār

jab maiñ bhī vahī huuñ mirī hairat bhī vahī hai

kyuuñ barf sī paḌtī hai kahīñ shahr-e-darūñ par

jab muzhda-e-ḳhurshīd meñ hiddat bhī vahī hai

kyuuñ DhūñDne nikle haiñ na.e ġham kā ḳhazīna

jab dil bhī vahī dard kī daulat bhī vahī hai

raste se mirī jañg bhī jaarī hai abhī tak

aur paañv tale zaḳhm kī vahshat bhī vahī hai

tā-umr nigāhoñ ke liye ek sā manzar

saa.e kī tarah saa.e kī qīmat bhī vahī hai

dariya ki rawani wahi dahshat bhi wahi hai

aur Dubte lamhat ki surat bhi wahi hai

alfaz bhi likkhe hain wahi nok-e-qalam ne

auraq pe phaili hui rangat bhi wahi hai

kyun us ka sarapa na hua naqsh-ba-diwar

jab main bhi wahi hun meri hairat bhi wahi hai

kyun barf si paDti hai kahin shahr-e-darun par

jab muzhda-e-KHurshid mein hiddat bhi wahi hai

kyun DhunDne nikle hain nae gham ka KHazina

jab dil bhi wahi dard ki daulat bhi wahi hai

raste se meri jang bhi jari hai abhi tak

aur panw tale zaKHm ki wahshat bhi wahi hai

ta-umr nigahon ke liye ek sa manzar

sae ki tarah sae ki qimat bhi wahi hai