dariya mein tughyani hai
dariyā meñ tuġhyānī hai
bastī bastī paanī hai
aah ki jañgal haiñ ābād
shahroñ meñ vīrānī hai
mushkil se ab kyā Darnā
is meñ hī āsānī hai
duniyā kī kyā chaah kareñ
duniyā ānī-jānī hai
us ko to pachhtānā hai
jis ne dil kī maanī hai
maiñ bhī man kā raajā huuñ
vo bhī dil kī raanī hai
ai dil us ko bhuul bhī jā
ye kaisī man-mānī hai
maut se 'gauhar' Darnā kyā
maut to ik din aanī hai
dariya mein tughyani hai
basti basti pani hai
aah ki jangal hain aabaad
shahron mein virani hai
mushkil se ab kya Darna
is mein hi aasani hai
duniya ki kya chah karen
duniya aani-jaani hai
us ko to pachhtana hai
jis ne dil ki mani hai
main bhi man ka raja hun
wo bhi dil ki rani hai
ai dil us ko bhul bhi ja
ye kaisi man-mani hai
maut se 'gauhar' Darna kya
maut to ek din aani hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
