darpan diya hun dil ka main us dilruba ke hath

darpan diyā huuñ dil kā maiñ us dilrubā ke haath

darpan meñ vo piyā hai vo darpan piyā ke haath

us qibla-rū kī dekh ke mehrāb-e-abr vaañ

saf bāñdh khul rahe haiñ mizha jiyūñ duā ke haath

har vaqt be-hijāb ho kyūñkar kare nigāh

hai iḳhtiyār chashm-e-piyā kā hayā ke haath

kis rañg suuñ lage hai kaf-e-pā kuuñ shoḳh kī

dil ḳhuun ho rahā hai hamārā hinā ke haath

gulgūñ qabā na maar taġhāful kī teġh suuñ

hai qatl āshiqāñ kā tirī yak adā ke haath

barjā hai barg-e-gul suuñ kafan us kuuñ hue nasīb

jo kui huā shahīd vo gul-gūñ qabā ke haath

hai chaak chaak ġhuncha-e-dil aaj aah suuñ

jyuuñ chāk-e-pairahan kuuñ kiyā gul sabā ke haath

kahte haiñ āshiqāñ yū mirā haal dekh kar

shāyad tuuñ dil diyā hai kisī bevafā ke haath

darkār niiñ hai mujh kuuñ kabūtar kī qāsidī

bhejā huuñ gul-badan kuuñ maiñ naama sabā ke haath

darpan diya hun dil ka main us dilruba ke hath

darpan mein wo piya hai wo darpan piya ke hath

us qibla-ru ki dekh ke mehrab-e-abr wan

saf bandh khul rahe hain mizha jiyun dua ke hath

har waqt be-hijab ho kyunkar kare nigah

hai iKHtiyar chashm-e-piya ka haya ke hath

kis rang sun lage hai kaf-e-pa kun shoKH ki

dil KHun ho raha hai hamara hina ke hath

gulgun qaba na mar taghaful ki tegh sun

hai qatl aashiqan ka teri yak ada ke hath

barja hai barg-e-gul sun kafan us kun hue nasib

jo kui hua shahid wo gul-gun qaba ke hath

hai chaak chaak ghuncha-e-dil aaj aah sun

jyun chaak-e-pairahan kun kiya gul saba ke hath

kahte hain aashiqan yu mera haal dekh kar

shayad tun dil diya hai kisi bewafa ke hath

darkar nin hai mujh kun kabutar ki qasidi

bheja hun gul-badan kun main nama saba ke hath