dasht-e-be-ab ki tarah guzri

dasht-e-be-āb kī tarah guzrī

zindagī ḳhvāb kī tarah guzrī

chashm-e-pur-āb se tirī ḳhvāhish

raqs-e-mahtāb kī tarah guzrī

ek sūrat ko DhūñDte har shab

chashm-e-be-ḳhvāb kī tarah guzrī

hijr kī anjuman se har saa.at

ashk-e-be-tāb kī tarah guzrī

dāstāñ merī is kahānī ke

an-paḌhe baab kī tarah guzrī

dil ke dariyā se har ḳhushī 'amjad'

ek girdāb kī tarah guzrī

dasht-e-be-ab ki tarah guzri

zindagi KHwab ki tarah guzri

chashm-e-pur-ab se teri KHwahish

raqs-e-mahtab ki tarah guzri

ek surat ko DhunDte har shab

chashm-e-be-KHwab ki tarah guzri

hijr ki anjuman se har saat

ashk-e-be-tab ki tarah guzri

dastan meri is kahani ke

an-paDhe bab ki tarah guzri

dil ke dariya se har KHushi 'amjad'

ek girdab ki tarah guzri