dasht ki tez hawaon mein bikhar jaoge kya

dasht kī tez havāoñ meñ bikhar jāoge kyā

ek din ghar nahīñ jāoge to mar jāoge kyā

peḌ ne chāñd ko āġhosh meñ le rakkhā hai

maiñ tumheñ roknā chāhūñ to Thahar jāoge kyā

ye zamistān-e-ta'alluq ye havā-e-qurbat

aag oḌhoge nahīñ yūñhī ThiThar jāoge

ye takallum bharī āñkheñ ye tarannum bhare hoñT

tum isī hālat-e-rusvā.ī meñ ghar jāoge kyā

lauT aaoge mire paas parinde kī tarah

mirī āvāz kī sarhad se guzar jāoge kyā

chhoḌ kar naav meñ tanhā mujhe 'āsim' tum bhī

kisī gumnām jazīre pe utar jāoge kyā

dasht ki tez hawaon mein bikhar jaoge kya

ek din ghar nahin jaoge to mar jaoge kya

peD ne chand ko aaghosh mein le rakkha hai

main tumhein rokna chahun to Thahar jaoge kya

ye zamistan-e-ta'alluq ye hawa-e-qurbat

aag oDhoge nahin yunhi ThiThar jaoge

ye takallum bhari aankhen ye tarannum bhare honT

tum isi haalat-e-ruswai mein ghar jaoge kya

lauT aaoge mere pas parinde ki tarah

meri aawaz ki sarhad se guzar jaoge kya

chhoD kar naw mein tanha mujhe 'asim' tum bhi

kisi gumnam jazire pe utar jaoge kya