dasht mein pyasi bhaTak kar tishnagi mar jaegi

dasht meñ pyāsī bhaTak kar tishnagī mar jā.egī

ye huā to ziist kī ummīd bhī mar jā.egī

rok sakte ho to roko maz.habī takrār ko

ḳhuun yuuñ bahtā rahā to ye sadī mar jā.egī

phir usī kūche meñ jaane ke liye machlā hai dil

phir usī kūche meñ jā kar be-ḳhudī mar jā.egī

bolnā behad zarūrī hai magar ye soch lo

chīḳh jab hogī ayaañ to ḳhāmushī mar jā.egī

nafratoñ kī tīrgī phailī huī hai har taraf

pyaar ke dīpak jaleñ to tīrgī mar jā.egī

ranj-o-ġham se rābta merā na TuuTe ai ḳhudā

yuuñ huā to merī puurī shā.irī mar jā.egī

dostoñ se be-ruḳhī achchhī nahīñ hotī 'aman'

dūriyāñ zinda rahīñ to dostī mar jā.egī

dasht mein pyasi bhaTak kar tishnagi mar jaegi

ye hua to zist ki ummid bhi mar jaegi

rok sakte ho to roko mazhabi takrar ko

KHun yun bahta raha to ye sadi mar jaegi

phir usi kuche mein jaane ke liye machla hai dil

phir usi kuche mein ja kar be-KHudi mar jaegi

bolna behad zaruri hai magar ye soch lo

chiKH jab hogi ayan to KHamushi mar jaegi

nafraton ki tirgi phaili hui hai har taraf

pyar ke dipak jalen to tirgi mar jaegi

ranj-o-gham se rabta mera na TuTe ai KHuda

yun hua to meri puri shairi mar jaegi

doston se be-ruKHi achchhi nahin hoti 'aman'

duriyan zinda rahin to dosti mar jaegi