dasht-o-sahra ki kahan ab zindagani chahiye
dasht-o-sahrā kī kahāñ ab zindagānī chāhiye
aur agar aisā hai to hoñToñ ko paanī chāhiye
sochtā huuñ mere dil tak kis tarah pahuñche koī
be-nishāñ ghar ke liye kuchh to nishānī chāhiye
putliyoñ par raqs karnā hī kalām-e-fan nahīñ
dard ke aañsū ko to paiham ravānī chāhiye
ik sunahrā ḳhvāb merī niiñd ko darkār hai
ḳhvāb ko bhī niiñd hī kī pāsbānī chāhiye
raat guzrī hai hisār-e-karb meñ ai 'maz.harī'
shaam ab dil ke liye koī suhānī chāhiye
dasht-o-sahra ki kahan ab zindagani chahiye
aur agar aisa hai to honTon ko pani chahiye
sochta hun mere dil tak kis tarah pahunche koi
be-nishan ghar ke liye kuchh to nishani chahiye
putliyon par raqs karna hi kalam-e-fan nahin
dard ke aansu ko to paiham rawani chahiye
ek sunahra KHwab meri nind ko darkar hai
KHwab ko bhi nind hi ki pasbani chahiye
raat guzri hai hisar-e-karb mein ai 'mazhari'
sham ab dil ke liye koi suhani chahiye
- Book : maazii ka aainda
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
