aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Dasne lage hain KHwab magar kis se boliye

Parveen Shakir

Dasne lage hain KHwab magar kis se boliye

Parveen Shakir

MORE BYParveen Shakir

    Dasne lage haiñ ḳhvāb magar kis se boliye

    maiñ jāntī thī paal rahī huuñ sañpoliye

    bas ye huā ki us ne takalluf se baat

    aur ham ne rote rote dupaTTe bhigo liye

    palkoñ pe kachchī nīñdoñ ras phailtā ho jab

    aise meñ aañkh dhuup ke ruḳh kaise kholiye

    terī barhana-pā.ī ke dukh bāñTte hue

    ham ne ḳhud apne paañv meñ kāñTe chubho liye

    maiñ terā naam le ke tazabzub meñ paḌ ga.ī

    sab log apne apne azīzoñ ko ro liye

    ḳhush-bū kahīñ na jaa.e pa isrār hai bahut

    aur ye bhī aarzū ki zarā zulf kholiye

    tasvīr jab na.ī hai nayā canvas bhī hai

    phir tashtarī meñ rañg purāne na gholiye

    Dasne lage hain KHwab magar kis se boliye

    main jaanti thi pal rahi hun sanpoliye

    bas ye hua ki us ne takalluf se baat ki

    aur hum ne rote rote dupaTTe bhigo liye

    palkon pe kachchi nindon ka ras phailta ho jab

    aise mein aankh dhup ke ruKH kaise kholiye

    teri barhana-pai ke dukh banTte hue

    hum ne KHud apne panw mein kanTe chubho liye

    main tera nam le ke tazabzub mein paD gai

    sab log apne apne azizon ko ro liye

    KHush-bu kahin na jae pa israr hai bahut

    aur ye bhi aarzu ki zara zulf kholiye

    taswir jab nai hai naya canwas bhi hai

    phir tashtari mein rang purane na gholiye

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now