dast-e-sumum dast-e-saba kyun nahin hua
dast-e-sumūm dast-e-sabā kyuuñ nahīñ huā
dar mausam-e-bahār kā vā kyuuñ nahīñ huā
zālim the varā-e-hisāb-o-kitāb kyā
un par nuzūl-e-qahr-e-ḳhudā kyuuñ nahīñ huā
un ke saroñ pe kyuuñ nahīñ TūTīñ qayāmateñ
an ke gharoñ meñ hashr bapā kyuuñ nahīñ huā
gūñjī na kyuuñ falak se koī āyat-e-ġhazab
ye gumbad-e-sukūt sadā kyuuñ nahīñ huā
dil meñ haiñ kis umiid ke panje gaḌe hue
ye maas nāḳhunoñ se judā kyuuñ nahīñ huā
dast-e-sumum dast-e-saba kyun nahin hua
dar mausam-e-bahaar ka wa kyun nahin hua
zalim the wara-e-hisab-o-kitab kya
un par nuzul-e-qahr-e-KHuda kyun nahin hua
un ke saron pe kyun nahin TuTin qayamaten
an ke gharon mein hashr bapa kyun nahin hua
gunji na kyun falak se koi aayat-e-ghazab
ye gumbad-e-sukut sada kyun nahin hua
dil mein hain kis umid ke panje gaDe hue
ye mas naKHunon se juda kyun nahin hua
- Book : Auraaq-e-Khezani (Pg. 65)
- Author : Ahmad Mushtaq
- Publication : Rekhta Foundation (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
