dast-o-gareban waiz se ho jate hain diwane log

dast-o-garebāñ vaa.iz se ho jaate haiñ dīvāne log

mujh ko bhī to shām-e-junūñ kuchh aa.e the samjhāne log

bazm-e-tarab meñ raqs-kunāñ the jaane aur pahchāne log

mushkil meñ jo kaam aa.e the sab ke sab begāne log

mujh par ishq meñ kyā kyā biitī jaan sake to muddat tak

ḳhūn-e-jigar se likhte raheñge mere hī afsāne log

dil kā jaam ehsās kī mai jazbāt kā nashsha kam to nahīñ

uftāñ ḳhezāñ hairat hai kyoñ jaate haiñ maiḳhāne log

paaoñ kī zanjīr bajī lo mausam-e-gul bhī aa hī gayā

der na ho ai zauq-e-junūñ ābād kareñ vīrāne log

maḳhmūr nigāhī kā apne ai sāqi-e-mehvash dekh asar

terī nazar ke sāmne kitne toḌ ga.e paimāne log

aisī kitnī ġhazleñ likh kar 'barq' ne zaa.e.a kar Dālīñ

ik do ġhazal par ab to shā.ir lagte haiñ kahlāne log

dast-o-gareban waiz se ho jate hain diwane log

mujh ko bhi to sham-e-junun kuchh aae the samjhane log

bazm-e-tarab mein raqs-kunan the jaane aur pahchane log

mushkil mein jo kaam aae the sab ke sab begane log

mujh par ishq mein kya kya biti jaan sake to muddat tak

KHun-e-jigar se likhte rahenge mere hi afsane log

dil ka jam ehsas ki mai jazbaat ka nashsha kam to nahin

uftan KHezan hairat hai kyon jate hain maiKHane log

paon ki zanjir baji lo mausam-e-gul bhi aa hi gaya

der na ho ai zauq-e-junun aabaad karen virane log

maKHmur nigahi ka apne ai saqi-e-mehwash dekh asar

teri nazar ke samne kitne toD gae paimane log

aisi kitni ghazlen likh kar 'barq' ne zaea kar Dalin

ek do ghazal par ab to shair lagte hain kahlane log