dastaken sunte hain sab dar kholta koi nahin

dastakeñ sunte haiñ sab dar kholtā koī nahīñ

ḳhauf ghar maiñ is qadar hai boltā koī nahīñ

ik hujūm-e-tā.irāñ hai be-sakat be-hausla

bāl-o-par hote hue par toltā koī nahīñ

ai nigār-e-sub.h terī kār-farmā.ī kī ḳhair

ab rag-o-pai meñ añdhere gholtā koī nahīñ

ai kanār-e-bahr ye be-e'tinā.ī kis liye

sīpiyāñ maujūd haiñ aur roltā koī nahīñ

istaqāmat hai qayāmat kī sar-e-dariyā-e-ġham

har safīna mauj par hai Doltā koī nahīñ

dastaken sunte hain sab dar kholta koi nahin

KHauf ghar main is qadar hai bolta koi nahin

ek hujum-e-tairan hai be-sakat be-hausla

baal-o-par hote hue par tolta koi nahin

ai nigar-e-subh teri kar-farmai ki KHair

ab rag-o-pai mein andhere gholta koi nahin

ai kanar-e-bahr ye be-e'tinai kis liye

sipiyan maujud hain aur rolta koi nahin

istaqamat hai qayamat ki sar-e-dariya-e-gham

har safina mauj par hai Dolta koi nahin