daur-e-charKH-e-kabud jari hai

daur-e-charḳh-e-kabūd jaarī hai

jism-o-jāñ par jumūd taarī hai

goyā insāñ nahīñ hayūlā huuñ

merī rag rag meñ duud saarī hai

maut ham-sā.e meñ huī hai to kyā

bazm-e-raqs-e-surūr jaarī hai

dostoñ se vo kyā kareñge sulūk

jin par apnā vajūd bhārī hai

hai tasavvur meñ ik ruḳh-e-raushan

aur lab par darūd jaarī hai

umr bhar khul sakī na dil kī girah

ḳhuub shaġhl-e-kushūd-kārī hai

bhar na pā.egā zaḳhm-e-dil 'sāhir'

zarb-e-harf-e-husūd kaarī hai

daur-e-charKH-e-kabud jari hai

jism-o-jaan par jumud tari hai

goya insan nahin hayula hun

meri rag rag mein dud sari hai

maut ham-sae mein hui hai to kya

bazm-e-raqs-e-surur jari hai

doston se wo kya karenge suluk

jin par apna wajud bhaari hai

hai tasawwur mein ek ruKH-e-raushan

aur lab par darud jari hai

umr bhar khul saki na dil ki girah

KHub shaghl-e-kushud-kari hai

bhar na paega zaKHm-e-dil 'sahir'

zarb-e-harf-e-husud kari hai