daur-e-hazir ho gaya hai is qadar kam-ashna
daur-e-hāzir ho gayā hai is qadar kam-āshnā
āshnā hamdam hai koī ab na hamdam-āshnā
aah kis manzil pe pahuñchī haiñ mirī tanhā.iyāñ
DhūñDne se bhī nahīñ miltā mujhe ġham-āshnā
muḳhtasar ye hai mire qalb o nazar kī dāstāñ
āshnā-e-dard-e-dil hai aañkh hai nam-āshnā
allāh allāh ye fazā-e-dushman-e-mehr-o-vafā
āshnā ke naam se hotā hai barham āshnā
umr bhar 'anvar' rahūñgā aarzū kā sogvār
marg-e-armāñ par azal se huuñ maiñ mātam-āshnā
daur-e-hazir ho gaya hai is qadar kam-ashna
aashna hamdam hai koi ab na hamdam-ashna
aah kis manzil pe pahunchi hain meri tanhaiyan
DhunDne se bhi nahin milta mujhe gham-ashna
muKHtasar ye hai mere qalb o nazar ki dastan
aashna-e-dard-e-dil hai aankh hai nam-ashna
allah allah ye faza-e-dushman-e-mehr-o-wafa
aashna ke nam se hota hai barham aashna
umr bhar 'anwar' rahunga aarzu ka sogwar
marg-e-arman par azal se hun main matam-ashna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
