dayar-e-ghair mein kaise tujhe sada dete

dayār-e-ġhair meñ kaise tujhe sadā dete

tū mil bhī jaatā to āḳhir tujhe gañvā dete

tumhī ne ham ko sunāyā na apnā dukh varna

duā vo karte ki ham āsmāñ hilā dete

hameñ zo.am rahā ki ab vo pukāreñge

unheñ ye zid thī ki har baar ham sadā deñge

vo terā ġham thā ki tāsīr mere lahje kī

ki jis ko haal sunāte vo rulā dete

tumheñ bhulānā hī avval to dastaras meñ nahīñ

jo iḳhtiyār bhī hotā to kyā bhulā dete

tumhārī yaad meñ koī javāb hī na diyā

mere ḳhayāl hī aañsū rahe sadā de kar

ham apne bachchoñ se kaise kaheñ ki ye guḌiyā

hamāre bas meñ jo hotī to dilā dete

samā.atoñ ko maiñ tā-umr kostā 'sayyad'

vo kuchh na kahte hoñT to hilā dete

tumheñ bhulānā hī avval to dastaras meñ nahīñ

jo iḳhtiyār bhī hotā to kyā bhulā dete

dayar-e-ghair mein kaise tujhe sada dete

tu mil bhi jata to aaKHir tujhe ganwa dete

tumhi ne hum ko sunaya na apna dukh warna

dua wo karte ki hum aasman hila dete

hamein zoam raha ki ab wo pukarenge

unhen ye zid thi ki har bar hum sada denge

wo tera gham tha ki tasir mere lahje ki

ki jis ko haal sunate wo rula dete

tumhein bhulana hi awwal to dastaras mein nahin

jo iKHtiyar bhi hota to kya bhula dete

tumhaari yaad mein koi jawab hi na diya

mere KHayal hi aansu rahe sada de kar

hum apne bachchon se kaise kahen ki ye guDiya

hamare bas mein jo hoti to dila dete

samaaton ko main ta-umr kosta 'sayyad'

wo kuchh na kahte honT to hila dete

tumhein bhulana hi awwal to dastaras mein nahin

jo iKHtiyar bhi hota to kya bhula dete