de ke dastak shabab aata hai
de ke dastak shabāb aatā hai
bin-bulā.e hijāb aatā hai
pahle āñkhoñ meñ ḳhvāb aatā hai
tab kahīñ inqalāb aatā hai
phir to rahtī nahīñ nadī beva
jab pahāḌoñ se aab aatā hai
sāqiyā tere bāda-ḳhāne meñ
sirf izzat-ma.āb aatā hai
kaise mil pā.egī hameñ jannat
vā.izoñ ko hisāb aatā hai
aise aate haiñ vo mirī jānib
jaise jām-e-sharāb aatā hai
vo bhī aate haiñ baam par aise
jis tarah māhtāb aatā hai
un ke hisse meñ aa.iiñ ta.abīreñ
mere hisse meñ ḳhvāb aatā hai
din meñ kar lo sabhī diye raushan
un ke ruḳh par naqāb aatā hai
tohfa deñge tumheñ jo phūloñ kā
ham ko bhī intiḳhāb aatā hai
tum chaloge jo simt-e-mai-ḳhāna
pīchhe 'panchhī'-janāb aatā hai
de ke dastak shabab aata hai
bin-bulae hijab aata hai
pahle aankhon mein KHwab aata hai
tab kahin inqalab aata hai
phir to rahti nahin nadi bewa
jab pahaDon se aab aata hai
saqiya tere baada-KHane mein
sirf izzat-maab aata hai
kaise mil paegi hamein jannat
waizon ko hisab aata hai
aise aate hain wo meri jaanib
jaise jam-e-sharab aata hai
wo bhi aate hain baam par aise
jis tarah mahtab aata hai
un ke hisse mein aain tabiren
mere hisse mein KHwab aata hai
din mein kar lo sabhi diye raushan
un ke ruKH par naqab aata hai
tohfa denge tumhein jo phulon ka
hum ko bhi intiKHab aata hai
tum chaloge jo simt-e-mai-KHana
pichhe 'panchhi'-janab aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
