teri surat ko dekhta hun main

Dagh Dehlvi

teri surat ko dekhta hun main

Dagh Dehlvi

MORE BYDagh Dehlvi

    terī sūrat ko dekhtā huuñ maiñ

    us qudrat ko dekhtā huuñ maiñ

    jab huī sub.h aa ga.e nāseh

    unhīñ hazrat ko dekhtā huuñ maiñ

    vo musībat sunī nahīñ jaatī

    jis musībat ko dekhtā huuñ maiñ

    dekhne aa.e haiñ jo merī nabz

    un sūrat ko dekhtā huuñ maiñ

    maut mujh ko dikhā.ī detī hai

    jab tabī.at ko dekhtā huuñ maiñ

    shab-e-furqat uThā uThā kar sar

    sub.h-e-ishrat ko dekhtā huuñ maiñ

    duur baiThā huā sar-e-mahfil

    rañg-e-sohbat ko dekhtā huuñ maiñ

    har musībat hai be-mazā shab-e-ġham

    aafat aafat ko dekhtā huuñ maiñ

    na mohabbat ko jānte ho tum

    na muravvat ko dekhtā huuñ maiñ

    koī dushman ko yuuñ na dekhegā

    jaise qismat ko dekhtā huuñ maiñ

    hashr meñ 'dāġh' koī dost nahīñ

    saarī ḳhilqat ko dekhtā huuñ maiñ

    teri surat ko dekhta hun main

    us ki qudrat ko dekhta hun main

    jab hui subh aa gae naseh

    unhin hazrat ko dekhta hun main

    wo musibat suni nahin jati

    jis musibat ko dekhta hun main

    dekhne aae hain jo meri nabz

    un ki surat ko dekhta hun main

    maut mujh ko dikhai deti hai

    jab tabiat ko dekhta hun main

    shab-e-furqat uTha uTha kar sar

    subh-e-ishrat ko dekhta hun main

    dur baiTha hua sar-e-mahfil

    rang-e-sohbat ko dekhta hun main

    har musibat hai be-maza shab-e-gham

    aafat aafat ko dekhta hun main

    na mohabbat ko jaante ho tum

    na murawwat ko dekhta hun main

    koi dushman ko yun na dekhega

    jaise qismat ko dekhta hun main

    hashr mein 'dagh' koi dost nahin

    sari KHilqat ko dekhta hun main

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now