dekh hamari did ke karan kaisa qabil-e-did hua
dekh hamārī diid ke kāran kaisā qābil-e-dīd huā
ek sitāra baiThe baiThe tābish meñ ḳhurshīd huā
aaj to jaanī rasta takte shaam kā chāñd padīd huā
tū ne to inkār kiyā thā dil kab nā-ummīd huā
aan ke is bīmār ko dekhe tujh ko bhī taufīq huī
lab par us ke naam thā terā jab bhī dard shadīd huā
haañ us ne jhalkī dikhlā.ī ek hī pal ko darīche meñ
jaano ik bijlī lahrā.ī aalam ek shahīd huā
tū ne ham se kalām bhī chhoḌā arz-e-vafā ke sunte hī
pahle kaun qarīb thā ham se ab to aur ba.iid huā
duniyā ke sab kāraj chhoḌe naam pe tere 'inshā' ne
aur use kyā thoḌe ġham the terā ishq mazīd huā
dekh hamari did ke karan kaisa qabil-e-did hua
ek sitara baiThe baiThe tabish mein KHurshid hua
aaj to jaani rasta takte sham ka chand padid hua
tu ne to inkar kiya tha dil kab na-ummid hua
aan ke is bimar ko dekhe tujh ko bhi taufiq hui
lab par us ke nam tha tera jab bhi dard shadid hua
han us ne jhalki dikhlai ek hi pal ko dariche mein
jaano ek bijli lahrai aalam ek shahid hua
tu ne hum se kalam bhi chhoDa arz-e-wafa ke sunte hi
pahle kaun qarib tha hum se ab to aur baid hua
duniya ke sab karaj chhoDe nam pe tere 'insha' ne
aur use kya thoDe gham the tera ishq mazid hua
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
