dekh kar KHush-rang us gul-pairahan ke hath panw

dekh kar ḳhush-rañg us gul-pairahan ke haath paañv

phuul jaate haiñ javānān-e-chaman ke haath paañv

jab na dekhe chaar din us gul-badan ke haath paañv

suukh kar kāñTā hue ahl-e-chaman ke haath paañv

ham vo mai-kash haiñ jo hotā hai hameñ ranj-e-ḳhumār

TūTte haiñ sāqī-e-paimāñ-shikan ke haath paañv

un ke maqtūloñ kī qabreñ is qadar khodī ga.iiñ

thak ke taḳhta ho ga.e har gorkan ke haath paañv

aatī jaatī choT bhī sach hī nazar aatī nahīñ

āj-kal chalte haiñ kyā us teġh-zan ke haath paañv

ḳhāksārī kā mazā hotā jo ai ḳhusrav tujhe

āb-e-shīrīñ se dhulātā kohkan ke haath paañv

hathkaḌī beḌī baḌī zoroñ se pahnā.ī mujhe

ai junūñ shal ho ga.e ahl-e-vatan ke haath paañv

kaaT Daalā dast-e-shāḳh-e-gul ko pā-e-sarv ko

bāġhbāñ ne dekh kar us gul-badan ke haath paañv

tausan-e-mushkīñ se jab us turk kī tashbīh dī

joḌ meñ Thahre na āhū-e-ḳhutan ke haath paañv

apne gesū-e-rasā se yaar rassī kī tarah

bāñdhtā hai āshiq-e-chāh-e-zaqan ke haath paañv

naujavānān-e-chaman us gul se tharrāte haiñ yuuñ

jis tarah kāñpeñ kisī pīr-e-kuhan ke haath paañv

shab ko garm-e-raqs hotā hai jo vo ātish-mizāj

sham' saañ jalte haiñ saare anjuman ke haath paañv

hathkaḌī beḌī jo mujh majnūñ kī utrī bā'd-e-marg

qabr meñ TukḌe uḌā.eñge kafan ke haath paañv

ho ga.ī ḳham Thoñk kar dev-e-ḳhizāñ ke sāmne

kyā kasīle haiñ javānān-e-chaman ke haath paañv

shāhid-e-maqsad tumheñ be-vāsta mil jā.egā

ai 'sabā' chūmo na shaiḳh-o-barhaman ke haath paañv

dekh kar KHush-rang us gul-pairahan ke hath panw

phul jate hain jawanan-e-chaman ke hath panw

jab na dekhe chaar din us gul-badan ke hath panw

sukh kar kanTa hue ahl-e-chaman ke hath panw

hum wo mai-kash hain jo hota hai hamein ranj-e-KHumar

TuTte hain saqi-e-paiman-shikan ke hath panw

un ke maqtulon ki qabren is qadar khodi gain

thak ke taKHta ho gae har gorkan ke hath panw

aati jati choT bhi sach hi nazar aati nahin

aaj-kal chalte hain kya us tegh-zan ke hath panw

KHaksari ka maza hota jo ai KHusraw tujhe

aab-e-shirin se dhulata kohkan ke hath panw

hathkaDi beDi baDi zoron se pahnai mujhe

ai junun shal ho gae ahl-e-watan ke hath panw

kaT Dala dast-e-shaKH-e-gul ko pa-e-sarw ko

baghban ne dekh kar us gul-badan ke hath panw

tausan-e-mushkin se jab us turk ki tashbih di

joD mein Thahre na aahu-e-KHutan ke hath panw

apne gesu-e-rasa se yar rassi ki tarah

bandhta hai aashiq-e-chah-e-zaqan ke hath panw

naujawanan-e-chaman us gul se tharraate hain yun

jis tarah kanpen kisi pir-e-kuhan ke hath panw

shab ko garm-e-raqs hota hai jo wo aatish-mizaj

sham' san jalte hain sare anjuman ke hath panw

hathkaDi beDi jo mujh majnun ki utri ba'd-e-marg

qabr mein TukDe uDaenge kafan ke hath panw

ho gai KHam Thonk kar dew-e-KHizan ke samne

kya kasile hain jawanan-e-chaman ke hath panw

shahid-e-maqsad tumhein be-wasta mil jaega

ai 'saba' chumo na shaiKH-o-barhaman ke hath panw