dekh kar kurte gale mein sabz dhani aap ki

dekh kar kurte gale meñ sabz dhānī aap kī

dhaan ke bhī khet ne ab aan maanī aap kī

kyā ta.ajjub hai agar dekhe to murda jī uThe

chain nefa kī Dhalak peḌū pe aanī aap kī

ham to kyā haiñ dil farishtoñ kā bhī kāfir chhīn le

Tuk jhalak dikhlā ke phir añgiyā chhupānī aap kī

aa paḌī do-sau baras ke murda-e-be-jāñ meñ jaan

jis ke uupar do ghaḌī ho mehrbānī aap kī

ik lipaT kushtī kī ham se bhī to kar dekho zarā

haañ bhalā ham bhī to jāneñ pahlvānī aap kī

chhalle ġhairoñ paas hai vo ḳhātam-e-zar ai nigār

hai hamāre paas bhī ab tak nishānī aap kī

dekh kar kurte gale mein sabz dhani aap ki

dhan ke bhi khet ne ab aan mani aap ki

kya tajjub hai agar dekhe to murda ji uThe

chain nefa ki Dhalak peDu pe aani aap ki

hum to kya hain dil farishton ka bhi kafir chhin le

Tuk jhalak dikhla ke phir angiya chhupani aap ki

aa paDi do-sau baras ke murda-e-be-jaan mein jaan

jis ke upar do ghaDi ho mehrbani aap ki

ek lipaT kushti ki hum se bhi to kar dekho zara

han bhala hum bhi to jaanen pahlwani aap ki

chhalle ghairon pas hai wo KHatam-e-zar ai nigar

hai hamare pas bhi ab tak nishani aap ki