dekh kar mai munh mein pani shaiKH ke bhar aaega

dekh kar mai muñh meñ paanī shaiḳh ke bhar aa.egā

chiiz achchhī dekhegā muflis kā jī lalchā.egā

sho.ala bhaḌkā kar rahegī ye dabī aag ek din

gar vo ThanDī garmiyoñ se dil mirā sulgā.egā

kākul-e-purpech se hāsil huā ye mū-ba-mū

haath ko jo khīñch legā paañv ko phailā.egā

zabt-e-girya se hai nuqsāñ qasr-e-tan ke vāste

baiTh hī jā.egā ghar paanī agar mar jā.egā

chashm-e-baddūr aañkh aisī hai nashīlī yaar kī

mohtasib ke muñh meñ paanī dekh kar bhar aa.egā

ishva chālākī karishma naaz ġhamza yaar kā

garche hai qahr-e-ḳhudā par dil ko mere bhā.egā

le chalī gar vahshat-e-dil jānib-e-sahrā 'vaqār'

ranj-o-hirmāñ paañv dar par yaar ke phailā.egā

dekh kar mai munh mein pani shaiKH ke bhar aaega

chiz achchhi dekhega muflis ka ji lalchaega

shoala bhaDka kar rahegi ye dabi aag ek din

gar wo ThanDi garmiyon se dil mera sulgaega

kakul-e-purpech se hasil hua ye mu-ba-mu

hath ko jo khinch lega panw ko phailaega

zabt-e-girya se hai nuqsan qasr-e-tan ke waste

baiTh hi jaega ghar pani agar mar jaega

chashm-e-baddur aankh aisi hai nashili yar ki

mohtasib ke munh mein pani dekh kar bhar aaega

ishwa chaalaki karishma naz ghamza yar ka

garche hai qahr-e-KHuda par dil ko mere bhaega

le chali gar wahshat-e-dil jaanib-e-sahra 'waqar'

ranj-o-hirman panw dar par yar ke phailaega