dekh kar tujhko na jaane kyon udhar

dekh kar tujh ko na jaane kyoñ udhar

khul rahe haiñ ḳhud-ba-ḳhud dīvār-o-dar

yā raqam kar pāniyoñ par apnī baat

yā sulagtī ret par aa kar bikhar

zindagī kā ye hasīñ manzar to dekh

vo parinde ham-suḳhan haiñ shāḳh par

barf rātoñ kā asāsa kaun hai

chilchilātī dhuup meñ ghūmā na kar

yā ḳhalā ko apnī muTThī meñ sameT

yā nadī ban kar samundar meñ utar

fā.eda ḳhālī garajne se hai kyā

chupke se ai abr-e-āvāra guzar

dekh kar tujh ko na jaane kyon udhar

khul rahe hain KHud-ba-KHud diwar-o-dar

ya raqam kar paniyon par apni baat

ya sulagti ret par aa kar bikhar

zindagi ka ye hasin manzar to dekh

wo parinde ham-suKHan hain shaKH par

barf raaton ka asasa kaun hai

chilchilati dhup mein ghuma na kar

ya KHala ko apni muTThi mein sameT

ya nadi ban kar samundar mein utar

faeda KHali garajne se hai kya

chupke se ai abr-e-awara guzar