dekh kar ye chalan tumhaare hum

dekh kar ye chalan tumhāre ham

ḳhaak meñ mil ga.e bechāre ham

jin haiñ yā dev bhuut haiñ kyā haiñ

nahīñ lagte jo tum ko pyāre ham

be-qarārī se dil kī shab ko haa.e

dar pe us ke bahut pukāre ham

ye jo gulzār sā hai ruḳh terā

leñge is baaġh ko ijāre ham

daaġh ik tohfa le ke hastī meñ

sū-e-mulk-e-adam sidhāre ham

raat mahfil meñ kaan meñ us ke

kah ke kuchh ho ga.e kināre ham

'muntazir' dil ne dukh diyā ye ki bas

mar ga.e dard-o-ġham ke maare ham

dekh kar ye chalan tumhaare hum

KHak mein mil gae bechaare hum

jin hain ya dew bhut hain kya hain

nahin lagte jo tum ko pyare hum

be-qarari se dil ki shab ko hae

dar pe us ke bahut pukare hum

ye jo gulzar sa hai ruKH tera

lenge is bagh ko ijare hum

dagh ek tohfa le ke hasti mein

su-e-mulk-e-adam sidhaare hum

raat mahfil mein kan mein us ke

kah ke kuchh ho gae kinare hum

'muntazir' dil ne dukh diya ye ki bas

mar gae dard-o-gham ke mare hum