dekh le mujhko to diwar se saT jati hai

dekh le mujh ko to dīvār se saT jaatī hai

vo parī sharm kī chādar se lipaT jaatī hai

'ishq bikhrā to jafā ashk ġham-o-hijr banā

dhuup TuuTe to ka.ī rang meñ bañT jaatī hai

tīsrā aayā mohabbat ke ganit meñ jab bhī

do kī sañkhyā bhī yahāñ tiin se kaT jaatī hai

husn aisā ki phisaltī haiñ nigāheñ sab kī

aisā rastā hai ki har car palaT jaatī hai

ek tū hai ki kitāboñ meñ nahīñ aa paayā

ek duniyā hai ki misre meñ simaT jaatī hai

dostoñ ne yahī kah kah ke pilā.ī mujh ko

ek cigarette se kahāñ zindagī ghaT jaatī hai

dekh le mujh ko to diwar se saT jati hai

wo pari sharm ki chadar se lipaT jati hai

'ishq bikhra to jafa ashk gham-o-hijr bana

dhup TuTe to kai rang mein banT jati hai

tisra aaya mohabbat ke ganit mein jab bhi

do ki sankhya bhi yahan tin se kaT jati hai

husn aisa ki phisalti hain nigahen sab ki

aisa rasta hai ki har car palaT jati hai

ek tu hai ki kitabon mein nahin aa paya

ek duniya hai ki misre mein simaT jati hai

doston ne yahi kah kah ke pilai mujh ko

ek cigarette se kahan zindagi ghaT jati hai