dekha hai aaj rah mein hum ek harir-posh

dekhā hai aaj raah meñ ham ik harīr-posh

par yaar kuchh na pūchh ki kyā chhab che-bar che-dosh

pīTūñ huuñ kis ke ġham meñ sar o siina maiñ ki aaj

ho hai ye shash-jihat se taqāzā ki haañ ba-josh

sajda ho āstān-e-haram kā nasīb-e-shaiḳh

maiñ aur sar-e-niyāz o dar-e-pīr-e-mai-farosh

fariyād tiiñ sunī na mirī varna gul tamām

sunñe ko naala murġh-e-chaman kā huā hai gosh

'qā.em' hai kiyā halāhil o āb-e-ḳhizar pe hasr

aa jaa.e bazm-e-dast meñ jo kuchh so kiije nosh

dekha hai aaj rah mein hum ek harir-posh

par yar kuchh na puchh ki kya chhab che-bar che-dosh

piTun hun kis ke gham mein sar o sina main ki aaj

ho hai ye shash-jihat se taqaza ki han ba-josh

sajda ho aastan-e-haram ka nasib-e-shaiKH

main aur sar-e-niyaz o dar-e-pir-e-mai-farosh

fariyaad tin suni na meri warna gul tamam

sunne ko nala murgh-e-chaman ka hua hai gosh

'qaem' hai kiya halahil o aab-e-KHizar pe hasr

aa jae bazm-e-dast mein jo kuchh so kije nosh