dekhiye kis husn se poshida gham ka raaz hai

dekhiye kis husn se poshīda ġham kā raaz hai

tiir mere dil meñ hai parde meñ tīr-andāz hai

ḳhat jo aaya hai vahāñ se band rahne do use

us meñ poshīda hamārī zindagī kā raaz hai

tū hī batlā de are o bānī-e-dair-o-haram

donoñ āvāzoñ meñ terī kaun sī āvāz hai

yā ilāhī ro rahā hai kaun merī qabr par

ye to jaise merī pahchānī huī āvāz hai

naza.a kā ab vaqt hai itnā to kah diije 'rashīd'

aane vaale jald aa ye āḳhirī āvāz hai

dekhiye kis husn se poshida gham ka raaz hai

tir mere dil mein hai parde mein tir-andaz hai

KHat jo aaya hai wahan se band rahne do use

us mein poshida hamari zindagi ka raaz hai

tu hi batla de are o bani-e-dair-o-haram

donon aawazon mein teri kaun si aawaz hai

ya ilahi ro raha hai kaun meri qabr par

ye to jaise meri pahchani hui aawaz hai

naza ka ab waqt hai itna to kah dije 'rashid'

aane wale jald aa ye aaKHiri aawaz hai