dekhiye usko to har baat gul-e-tar ki tarah

dekhiye us ko to har baat gul-e-tar kī tarah

baat kiije to vahī shaḳhs hai patthar kī tarah

aql hairāñ hai kin alfāz meñ tārīf karūñ

husn aur vo bhī chhalakte hue sāġhar kī tarah

barq-e-guftār sahī sho.ala vo talvār sahī

ham magar zarf bhī rakhte haiñ samundar kī tarah

āzmāoge to ham jaañ se guzar jā.eñge

kāġhzī sher nahīñ haiñ kisī afsar kī tarah

dil ko bahlāte haiñ afsāna-e-āzādī se

ham ne ik tauq pahan rakkhā hai zevar kī tarah

raaj karte haiñ vahī log diloñ par 'ḳhālid'

baḳhsh dete haiñ jo dushman ko sikandar kī tarah

dekhiye us ko to har baat gul-e-tar ki tarah

baat kije to wahi shaKHs hai patthar ki tarah

aql hairan hai kin alfaz mein tarif karun

husn aur wo bhi chhalakte hue saghar ki tarah

barq-e-guftar sahi shoala wo talwar sahi

hum magar zarf bhi rakhte hain samundar ki tarah

aazmaoge to hum jaan se guzar jaenge

kaghzi sher nahin hain kisi afsar ki tarah

dil ko bahlate hain afsana-e-azadi se

hum ne ek tauq pahan rakkha hai zewar ki tarah

raj karte hain wahi log dilon par 'KHalid'

baKHsh dete hain jo dushman ko sikandar ki tarah