dekho to kis ada se ruKH par hain Dali zulfen

dekho to kis adā se ruḳh par haiñ Daalī zulfeñ

juuñ maar Dastī haiñ dil dilbar kī kaalī zulfeñ

chāhe haiñ jis na tis ko bāñdheñ girah meñ apnī

dil lene ko balā haiñ ye pech vaalī zulfeñ

misl-e-salāsil is meñ uqde hazār-hā haiñ

Tuk pech-o-tāb se maiñ dekhīñ na ḳhālī zulfeñ

mār-siyah judā kab rahtā hai gañj-e-zar se

hotī nahīñ haiñ us ke ruḳh se nirālī zulfeñ

thī raat jo yakāyak din dekhne lage sab

jab 'āftāb' us ne ruḳh se uThā lī zulfeñ

dekho to kis ada se ruKH par hain Dali zulfen

jun mar Dasti hain dil dilbar ki kali zulfen

chahe hain jis na tis ko bandhen girah mein apni

dil lene ko bala hain ye pech wali zulfen

misl-e-salasil is mein uqde hazar-ha hain

Tuk pech-o-tab se main dekhin na KHali zulfen

mar-siyah juda kab rahta hai ganj-e-zar se

hoti nahin hain us ke ruKH se nirali zulfen

thi raat jo yakayak din dekhne lage sab

jab 'aftab' us ne ruKH se uTha li zulfen