dekhun to wo samne baiTha hua hai

dekhūñ to vo sāmne baiThā huā hai

sochūñ to ik mīloñ lambā fāsla hai

naam tanhā.ī ne terā likh diyā hai

har koī chehre ko mere paḌh rahā hai

chhū liyā thā ḳhvāb meñ tum ko kisī ne

aaj tak vo ḳhud ko mujrim māntā hai

muddatoñ pahle maiñ us kā ho gayā par

vo abhī mujh ko ḳhudā se māñgtā hai

yaad terī dil pe chhā.ī hai ghaTā sī

tez hai barsāt jangal bhīgtā hai

kyā kabhī pahle nahīñ rūThā kisī se

muskurātā kyoñ hai gar mujh se ḳhafā hai

chāñd kī kirneñ huī jaatī haiñ resham

aur sannāTā bhī gahrā ho chalā hai

vo mulā.em reshmī lahja kisī kā

merī ġhazloñ meñ nadī sā bah rahā hai

dekhun to wo samne baiTha hua hai

sochun to ek milon lamba fasla hai

nam tanhai ne tera likh diya hai

har koi chehre ko mere paDh raha hai

chhu liya tha KHwab mein tum ko kisi ne

aaj tak wo KHud ko mujrim manta hai

muddaton pahle main us ka ho gaya par

wo abhi mujh ko KHuda se mangta hai

yaad teri dil pe chhai hai ghaTa si

tez hai barsat jangal bhigta hai

kya kabhi pahle nahin ruTha kisi se

muskuraata kyon hai gar mujh se KHafa hai

chand ki kirnen hui jati hain resham

aur sannaTa bhi gahra ho chala hai

wo mulaem reshmi lahja kisi ka

meri ghazlon mein nadi sa bah raha hai