den dida-e-KHush-KHwab ko tabir kahan tak

deñ dīda-e-ḳhush-ḳhvāb ko ta.abīr kahāñ tak

ai vaqt tire jabr kī tauqīr kahāñ tak

kab tak ki kaho jazba-e-tāmīr ko taḳhrīb

ai ahl-e-safā jhuuT kī tash.hīr kahāñ tak

ab dost banāne kā hunar bhī zarā sīkheñ

kī jā-e-mah-o-najm kī tasḳhīr kahāñ tak

ai shahr-e-anā tere fareboñ ke bharam meñ

ā.īna-misāloñ kī ho tahqīr kahāñ tak

har aan koī mujh meñ nayā TuuT rahā hai

āḳhir koī ḳhud ko kare ta.amīr kahāñ tak

den dida-e-KHush-KHwab ko tabir kahan tak

ai waqt tere jabr ki tauqir kahan tak

kab tak ki kaho jazba-e-tamir ko taKHrib

ai ahl-e-safa jhuT ki tashhir kahan tak

ab dost banane ka hunar bhi zara sikhen

ki ja-e-mah-o-najm ki tasKHir kahan tak

ai shahr-e-ana tere farebon ke bharam mein

aaina-misalon ki ho tahqir kahan tak

har aan koi mujh mein naya TuT raha hai

aaKHir koi KHud ko kare tamir kahan tak