der tak ek saya-e-abr guman dekha hua
der tak ik saya-e-abr gumāñ dekhā huā
aag bantā jā rahā hai sā.ebāñ dekhā huā
phir isī shiddat kī Tīseñ haiñ dil-e-kaj-fahm meñ
phir vahī hai majma-e-chāra-garāñ dekhā huā
dekhtā rahtā huuñ shakleñ sochtā rahtā huuñ naam
DhūñDhtā phirtā huuñ aks-e-nā-gahāñ dekhā huā
raaz hai koī jo mujh par munkashif hone ko hai
kis liye lagtā hai an-dekhā jahāñ dekhā huā
kyā kahūñ kis kaif meñ gum hai mirī chashm-e-ḳhayāl
har koī mahsūs hotā hai yahāñ dekhā huā
jhuuT Thahrā hai 'munavvar' un rutoñ ke darmiyāñ
ḳhvāb-e-imkān-e-numū paivand-e-jāñ dekhā huā
der tak ek saya-e-abr guman dekha hua
aag banta ja raha hai saeban dekha hua
phir isi shiddat ki Tisen hain dil-e-kaj-fahm mein
phir wahi hai majma-e-chaara-garan dekha hua
dekhta rahta hun shaklen sochta rahta hun nam
DhunDhta phirta hun aks-e-na-gahan dekha hua
raaz hai koi jo mujh par munkashif hone ko hai
kis liye lagta hai an-dekha jahan dekha hua
kya kahun kis kaif mein gum hai meri chashm-e-KHayal
har koi mahsus hota hai yahan dekha hua
jhuT Thahra hai 'munawwar' un ruton ke darmiyan
KHwab-e-imkan-e-numu paiwand-e-jaan dekha hua
- Book : Urdu Adab (Pg. 64)
- Author : Iqbal Hussain
- Publication : Iqbal Hussain Publishers (Jan, Feb. Mar 1996)
- Edition : Jan, Feb. Mar 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
