deta hun dil jise wo kahin bewafa na ho

detā huuñ dil jise vo kahīñ bevafā na ho

ye 'ishq mere vāste shāyad qazā na ho

duur apne dar se tum na karo ai sanam use

jis ko zarā jahāñ meñ kahīñ aasrā na ho

rāhat se mujh ko niiñd to aa.ī mazār meñ

pahlū ko mere chiir ke dil chal basā na ho

marne ke baa'd bhī yahī dhaḌkā rahā kiyā

mil kar sabā se ḳhaak hamārī havā na ho

shikva karūñ to yaar kā pur-ḳhauf hai yahī

nāzuk mizāj hai vo ye sun kar ḳhafā na ho

parde se dil ke baat jo kartā hai mujh se ab

aatā hai ye ḳhayāl kahīñ ḳhud ḳhudā na ho

rangat hai zard ruḳh kī to ḳhushkī laboñ pe hai

āsār 'ishq ke haiñ kahīñ dil lagā na ho

mar jā.ūñ ai 'jamīla' agar ishq-e-ġhaus meñ

mumkin nahīñ ki ḳhāk-e-lahad kīmiyā na ho

deta hun dil jise wo kahin bewafa na ho

ye 'ishq mere waste shayad qaza na ho

dur apne dar se tum na karo ai sanam use

jis ko zara jahan mein kahin aasra na ho

rahat se mujh ko nind to aai mazar mein

pahlu ko mere chir ke dil chal basa na ho

marne ke ba'd bhi yahi dhaDka raha kiya

mil kar saba se KHak hamari hawa na ho

shikwa karun to yar ka pur-KHauf hai yahi

nazuk mizaj hai wo ye sun kar KHafa na ho

parde se dil ke baat jo karta hai mujh se ab

aata hai ye KHayal kahin KHud KHuda na ho

rangat hai zard ruKH ki to KHushki labon pe hai

aasar 'ishq ke hain kahin dil laga na ho

mar jaun ai 'jamila' agar ishq-e-ghaus mein

mumkin nahin ki KHak-e-lahad kimiya na ho