dhamki mein mar gaya jo na bab-e-nabard tha
dhamkī meñ mar gayā jo na bāb-e-nabard thā
ishq-e-nabard-pesha talabgār-e-mard thā
thā zindagī meñ marg kā khaTkā lagā huā
uḌne se pesh-tar bhī mirā rañg zard thā
tālīf nusḳha-hā-e-vafā kar rahā thā maiñ
majmūa-e-ḳhayāl abhī fard fard thā
dil tā jigar ki sāhil-e-dariyā-e-ḳhūñ hai ab
is rahguzar meñ jalva-e-gul aage gard thā
jaatī hai koī kashmakash andoh-e-ishq kī
dil bhī agar gayā to vahī dil kā dard thā
ahbāb chārasāzi-e-vahshat na kar sake
zindāñ meñ bhī ḳhayāl bayābāñ-navard thā
ye lāsh-e-be-kafan 'asad'-e-ḳhasta-jāñ kī hai
haq maġhfirat kare ajab āzād mard thā
dhamki mein mar gaya jo na bab-e-nabard tha
ishq-e-nabard-pesha talabgar-e-mard tha
tha zindagi mein marg ka khaTka laga hua
uDne se pesh-tar bhi mera rang zard tha
talif nusKHa-ha-e-wafa kar raha tha main
majmua-e-KHayal abhi fard fard tha
dil ta jigar ki sahil-e-dariya-e-KHun hai ab
is rahguzar mein jalwa-e-gul aage gard tha
jati hai koi kashmakash andoh-e-ishq ki
dil bhi agar gaya to wahi dil ka dard tha
ahbab chaarasazi-e-wahshat na kar sake
zindan mein bhi KHayal bayaban-naward tha
ye lash-e-be-kafan 'asad'-e-KHasta-jaan ki hai
haq maghfirat kare ajab aazad mard tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
