dharti bhi sina-zan hai ki sachchai chhin li

dhartī bhī sīna-zan hai ki sachchā.ī chhīn lī

bārish kī jal-tarang ne tanhā.ī chhīn lī

nā-bīnā bechtā hai basārat ko raah meñ

gūñge ne jab se nutq-e-pazīrā.ī chhīn lī

ham log bhuuk pyaas kī shiddat na sah sake

fāqoñ ne ham se quvvat-e-goyā.ī chhīn lī

ye kis ne chāñdnī ko sameTā hai aañkh meñ

ye kis ne saare shahr kī bīnā.ī chhīn lī

maiñ gum thā apne aap meñ andarūn-e-ḳhāna qaid

lekin kisī kī yaad ne gahrā.ī chhīn chhīn lī

paanī pe tairtā rahā rangoñ kā raqs bhī

āb-e-shifā to mil gayā zebā.ī chhīn lī

ab ke mujhe milā hai mohabbat meñ aisā dukh

chehre se jis ne dilkashī rā'nā.ī chhīn lī

utrā hai aise aañkh meñ 'tāhir' ye ratjagā

daldal ko rauñd Daalā gayā kaa.ī chhīn lī

dharti bhi sina-zan hai ki sachchai chhin li

barish ki jal-tarang ne tanhai chhin li

na-bina bechta hai basarat ko rah mein

gunge ne jab se nutq-e-pazirai chhin li

hum log bhuk pyas ki shiddat na sah sake

faqon ne hum se quwwat-e-goyai chhin li

ye kis ne chandni ko sameTa hai aankh mein

ye kis ne sare shahr ki binai chhin li

main gum tha apne aap mein andarun-e-KHana qaid

lekin kisi ki yaad ne gahrai chhin chhin li

pani pe tairta raha rangon ka raqs bhi

aab-e-shifa to mil gaya zebai chhin li

ab ke mujhe mila hai mohabbat mein aisa dukh

chehre se jis ne dilkashi ra'nai chhin li

utra hai aise aankh mein 'tahir' ye ratjaga

daldal ko raund Dala gaya kai chhin li