dhoke pe dhoka is tarah khate chale gae

dhoke pe dhoka is tarah khāte chale ga.e

ham dushmanoñ ko dost banāte chale ga.e

har zaḳhm-e-zindagī ko gale se lagā liyā

ham zindagī se yūñhī nibhāte chale ga.e

vo nafratoñ kā bojh liye ghūmte rahe

ham chāhatoñ ko un pe luTāte chale ga.e

jo ḳhvāb zindagī kī haqīqat na ban sakā

us ke hasīñ fareb meñ aate chale ga.e

'rūbī' chhupānā dard ko āsāñ na thā magar

ham aaḌ meñ hañsī kī chhupāte chale ga.e

dhoke pe dhoka is tarah khate chale gae

hum dushmanon ko dost banate chale gae

har zaKHm-e-zindagi ko gale se laga liya

hum zindagi se yunhi nibhate chale gae

wo nafraton ka bojh liye ghumte rahe

hum chahaton ko un pe luTate chale gae

jo KHwab zindagi ki haqiqat na ban saka

us ke hasin fareb mein aate chale gae

'rubi' chhupana dard ko aasan na tha magar

hum aaD mein hansi ki chhupate chale gae