DhunDte phirte hain zaKHmon ka mudawa nikle

DhūñDte phirte haiñ zaḳhmoñ kā mudāvā nikle

is bhare shahr meñ koī to masīhā nikle

uf ye amboh-e-ravāñ haa.e mirī tanhā.ī

kahīñ rasta nazar aa.e koī tum sā nikle

chāñd se chehroñ pe pathrā.ī huī zard āñkheñ

koī batlāo ye kis shahr meñ ham aa nikle

pas-e-dīvār khaḌā hai koī tanhā kab se

tū na nikle tire ghar se tirā saaya nikle

jin pe sau naaz kare anjuman-ārā.ī bhī

ġhaur se dekhā to vo log bhī tanhā nikle

ye sitāroñ ke taḌapte hue sīmīñ paikar

jaane kab raat Dhale nuur kā dariyā nikle

chāñd sūraj se bhī tārīkī-e-daurāñ na ga.ī

dekhiye parda-e-aḳhlīq se ab kyā nikle

DhunDte phirte hain zaKHmon ka mudawa nikle

is bhare shahr mein koi to masiha nikle

uf ye amboh-e-rawan hae meri tanhai

kahin rasta nazar aae koi tum sa nikle

chand se chehron pe pathrai hui zard aankhen

koi batlao ye kis shahr mein hum aa nikle

pas-e-diwar khaDa hai koi tanha kab se

tu na nikle tere ghar se tera saya nikle

jin pe sau naz kare anjuman-arai bhi

ghaur se dekha to wo log bhi tanha nikle

ye sitaron ke taDapte hue simin paikar

jaane kab raat Dhale nur ka dariya nikle

chand suraj se bhi tariki-e-dauran na gai

dekhiye parda-e-aKHliq se ab kya nikle