dhup thi sahra tha lekin jism ka saya na tha

dhuup thī sahrā thā lekin jism kā saaya na thā

aadmī is se ziyāda to kabhī tanhā na thā

khīñchte the apnī jānib regzāroñ ke sarāb

duur tak sahrā meñ lekin aab kā qatra na thā

ek mub.ham ḳhvāb thā āñkhoñ meñ aur dil meñ junūñ

zehn meñ lekin imārat kā koī naqsha na thā

bhiiḌ thī bastī meñ lekin maiñ kise pahchāntā

itne logoñ meñ kisī bhī shaḳhs kā chehra na thā

is qadar shiddat se vo dariyā samundar se milā

ab samundar hī samundar thā kahīñ dariyā na thā

ghar kī azmat haa.e jis dīvār se mahfūz thī

ghar ke darvāze pe ab vo TaaT kā parda na thā

vo ġhazal apnī sajātā thā lahū ke rañg se

phir bhī kahte haiñ 'nafas' us kā koī pesha na thā

dhup thi sahra tha lekin jism ka saya na tha

aadmi is se ziyaada to kabhi tanha na tha

khinchte the apni jaanib regzaron ke sarab

dur tak sahra mein lekin aab ka qatra na tha

ek mubham KHwab tha aankhon mein aur dil mein junun

zehn mein lekin imarat ka koi naqsha na tha

bhiD thi basti mein lekin main kise pahchanta

itne logon mein kisi bhi shaKHs ka chehra na tha

is qadar shiddat se wo dariya samundar se mila

ab samundar hi samundar tha kahin dariya na tha

ghar ki azmat hae jis diwar se mahfuz thi

ghar ke darwaze pe ab wo TaT ka parda na tha

wo ghazal apni sajata tha lahu ke rang se

phir bhi kahte hain 'nafas' us ka koi pesha na tha