digar-gun hai jahan taron ki gardish tez hai saqi
Interesting Fact
Baal-e-Gibril
digar-gūñ hai jahāñ tāroñ kī gardish tez hai saaqī
dil-e-har-zarra meñ ġhauġhā-e-rustā-ḳhez hai saaqī
matā-e-dīn-o-dānish luT ga.ī allāh-vāloñ kī
ye kis kāfir-adā kā ġhamza-e-ḳhūñ-rez hai saaqī
vahī derīna bīmārī vahī nā-mohkamī dil kī
ilaaj is kā vahī āb-e-nashāt-añgez hai saaqī
haram ke dil meñ soz-e-ārzū paidā nahīñ hotā
ki paidā.ī tirī ab tak hijāb-āmez hai saaqī
na uTThā phir koī 'rūmī' ajam ke lāla-zāroñ se
vahī āb-o-gil-e-īrāñ vahī tabrez hai saaqī
nahīñ hai nā-umīd 'iqbāl' apnī kisht-e-vīrāñ se
zarā nam ho to ye miTTī bahut zarḳhez hai saaqī
faqīr-e-rāh ko baḳhshe ga.e asrār-e-sultānī
bahā merī navā kī daulat-e-parvez hai saaqī
digar-gun hai jahan taron ki gardish tez hai saqi
dil-e-har-zarra mein ghaugha-e-rusta-KHez hai saqi
mata-e-din-o-danish luT gai allah-walon ki
ye kis kafir-ada ka ghamza-e-KHun-rez hai saqi
wahi derina bimari wahi na-mohkami dil ki
ilaj is ka wahi aab-e-nashat-angez hai saqi
haram ke dil mein soz-e-arzu paida nahin hota
ki paidai teri ab tak hijab-amez hai saqi
na uTTha phir koi 'rumi' ajam ke lala-zaron se
wahi aab-o-gil-e-iran wahi tabrez hai saqi
nahin hai na-umid 'iqbaal' apni kisht-e-viran se
zara nam ho to ye miTTi bahut zarKHez hai saqi
faqir-e-rah ko baKHshe gae asrar-e-sultani
baha meri nawa ki daulat-e-parwez hai saqi
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
