di gawahi lahu ki dhaaron ne

dī gavāhī lahū kī dhāroñ ne

paañv chūme haiñ ḳhārzāroñ ne

saath chhoḌā na ġhamgusāroñ ne

maar Daalā mujhe sahāroñ ne

kis ne luuTe maze bahāroñ ke

ham ko luuTā hai ḳhud bahāroñ ne

ghar sajā.e chaman ujaaḌ diyā

gul khilā.e fareb-kāroñ ne

ab kaheñ bhī to kyā kisī se kaheñ

kaaT dī raat ġham ke māroñ ne

dil se parde uThā.e haiñ kyā kyā

aaj baiThe hue mazāroñ ne

āḳhirash nazr kar diyā 'jarrār'

apnī jānoñ ko haq-guzāroñ ne

di gawahi lahu ki dhaaron ne

panw chume hain KHarzaron ne

sath chhoDa na ghamgusaron ne

mar Dala mujhe sahaaron ne

kis ne luTe maze bahaaron ke

hum ko luTa hai KHud bahaaron ne

ghar sajae chaman ujaD diya

gul khilae fareb-karon ne

ab kahen bhi to kya kisi se kahen

kaT di raat gham ke maron ne

dil se parde uThae hain kya kya

aaj baiThe hue mazaron ne

aaKHirash nazr kar diya 'jarrar'

apni jaanon ko haq-guzaron ne