did ki sadd-e-rah hai ye mizha

diid kī sadd-e-rāh hai ye mizha

ḳhār-e-pā-e-nigāh hai ye mizha

nit taqātur hī us se rahtā hai

rag-e-abr-e-siyāh hai ye mizha

chashm merī vo bahr haiñ mavvāj

jis ke lab kī giyāh hai ye mizha

āñkheñ terī vo laḌne vaalī haiñ

saath jin ke sipāh hai ye mizha

har tarah dil meñ khub rahī hai tire

ḳhvāh barchhī hai ḳhvāh hai ye mizha

āñkheñ mal mal chhupāte ho tum kyuuñ

dekhnā kyā gunāh hai ye mizha

dil meñ kāñTā sā kuchh chubhe hai mire

ki 'hasan' kis kī aah hai ye mizha

did ki sadd-e-rah hai ye mizha

KHar-e-pa-e-nigah hai ye mizha

nit taqatur hi us se rahta hai

rag-e-abr-e-siyah hai ye mizha

chashm meri wo bahr hain mawwaj

jis ke lab ki giyah hai ye mizha

aankhen teri wo laDne wali hain

sath jin ke sipah hai ye mizha

har tarah dil mein khub rahi hai tere

KHwah barchhi hai KHwah hai ye mizha

aankhen mal mal chhupate ho tum kyun

dekhna kya gunah hai ye mizha

dil mein kanTa sa kuchh chubhe hai mere

ki 'hasan' kis ki aah hai ye mizha