dīda-e-ashk-bār hai apnā
aur dil be-qarār hai apnā
rashk-e-sahrā hai ghar kī vīrānī
yahī rañg-e-bahār hai apnā
chashm-e-giryāñ se chāk-e-dāmāñ se
haal sab āshkār hai apnā
hā.e-hū meñ har ek khoyā hai
kaun yaañ ġham-gusār hai apnā
sirf vo ek sab ke haiñ muḳhtār
un pe kyā iḳhtiyār hai apnā
bazm se un kī jab se niklā hai
dil ġharīb-ud-dayār hai apnā
un ko apnā banā ke chhoḌeñge
baḳht agar sāzgār hai apnā
paas to kyā hai apne phir bhī magar
us pe sab kuchh nisār hai apnā
ham ko hastī raqīb kī manzūr
phuul ke saath ḳhaar hai apnā
hai yahī rasm-e-mai-kada shāyad
nashsha un kā ḳhumār hai apnā
jiit ke ḳhvāb dekhte jaao
ye dil-e-bad-qimār hai apnā
kyā ġhalat sochte haiñ 'mīrā-jī'
sher kahnā shi.ār hai apnā
dida-e-ashk-bar hai apna
aur dil be-qarar hai apna
rashk-e-sahra hai ghar ki virani
yahi rang-e-bahaar hai apna
chashm-e-giryan se chaak-e-daman se
haal sab aashkar hai apna
hae-hu mein har ek khoya hai
kaun yan gham-gusar hai apna
sirf wo ek sab ke hain muKHtar
un pe kya iKHtiyar hai apna
bazm se un ki jab se nikla hai
dil gharib-ud-dayar hai apna
un ko apna bana ke chhoDenge
baKHt agar sazgar hai apna
pas to kya hai apne phir bhi magar
us pe sab kuchh nisar hai apna
hum ko hasti raqib ki manzur
phul ke sath KHar hai apna
hai yahi rasm-e-mai-kada shayad
nashsha un ka KHumar hai apna
jit ke KHwab dekhte jao
ye dil-e-bad-qimar hai apna
kya ghalat sochte hain 'mira-ji'
sher kahna shiar hai apna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
