dida-e-jauhar se bina ho gaya

dīda-e-jauhar se biinā ho gayā

aa.ina mahv-e-tamāshā ho gayā

dekh kar ā.īna-e-zānū tirā

aa.ina mahv-e-tamāshā ho gayā

ba.ad-e-mojid ālam-e-ījād meñ

aa.ina mahv-e-tamāshā ho gayā

kar diyā hairāñ jise dikhlā.ī shakl

aa.ina mahv-e-tamāshā ho gayā

vo halab pahuñchā to sun lenā ye haal

aa.ina mahv-e-tamāshā ho gayā

pusht-bar-dīvār hai terī huzūr

aa.ina mahv-e-tamāshā ho gayā

sāmne se tere Taltā hī nahīñ

aa.ina mahv-e-tamāshā ho gayā

shāna hai dil chaak mashshāta hai dañg

aa.ina mahv-e-tamāshā ho gayā

dekh kar us rū-e-rañgīñ kī bahār

aa.ina mahv-e-tamāshā ho gayā

tere aage chashm-e-āshiq kī tarah

aa.ina mahv-e-tamāshā ho gayā

'mehr' ko saktā hai yā ai rashk-e-māh

aa.ina mahv-e-tamāshā ho gayā

mahfil-e-ishrat meñ mah-rūyoñ ke 'mehr'

aa.ina mahv-e-tamāshā ho gayā

dida-e-jauhar se bina ho gaya

aaina mahw-e-tamasha ho gaya

dekh kar aaina-e-zanu tera

aaina mahw-e-tamasha ho gaya

baad-e-mojid aalam-e-ijad mein

aaina mahw-e-tamasha ho gaya

kar diya hairan jise dikhlai shakl

aaina mahw-e-tamasha ho gaya

wo halab pahuncha to sun lena ye haal

aaina mahw-e-tamasha ho gaya

pusht-bar-diwar hai teri huzur

aaina mahw-e-tamasha ho gaya

samne se tere Talta hi nahin

aaina mahw-e-tamasha ho gaya

shana hai dil chaak mashshata hai dang

aaina mahw-e-tamasha ho gaya

dekh kar us ru-e-rangin ki bahaar

aaina mahw-e-tamasha ho gaya

tere aage chashm-e-ashiq ki tarah

aaina mahw-e-tamasha ho gaya

'mehr' ko sakta hai ya ai rashk-e-mah

aaina mahw-e-tamasha ho gaya

mahfil-e-ishrat mein mah-ruyon ke 'mehr'

aaina mahw-e-tamasha ho gaya