dida-e-sarf-e-intizar hai shama

dīda-e-sarf-e-intizār hai sham.a

merī hālat kī yādgār hai sham.a

nahīñ dil meñ kisī ke soz-o-gudāz

ki tamāshā-e-rozgār hai sham.a

pa.e-jumbish sadā taḌaptī hai

tapish-e-nā-tavāñ shikār hai sham.a

ruḳh-e-raushan hai nūr-e-bīnā.ī

chashm-e-ushshāq kā ġhubār hai sham.a

roz-e-tīra meñ bad-numā ḳhurshīd

shab-e-raushan meñ tīra-kār hai sham.a

yād-e-gul-e-ruḳh se phuul jhaḌte haiñ

kis bashāshat se nau-bahār hai sham.a

ḳhaak nāsūr-e-dil bhare is kā

zaḳhmī-e-girya-hā-e-zār hai sham.a

husn dīvāna sab ko kartā hai

apne hī aap par nisār hai sham.a

sub.h hote hī TimTimātī hai

aap kī chashm-e-pur-ḳhumār hai sham.a

kyuuñ na ro.e na kis tarah se jale

ki fuġhānī-e-rāz-dār hai sham.a

nahīñ bujhtī lagī huī jī kī

shola-e-jān-e-sogvār hai sham.a

hai idhar dāġh-e-barq-e-parvāna

aur udhar chashm-e-abr-bār hai sham.a

husn bhī hai ma.āl-e-kār vabāl

bazm-dar-bazm kyā hai ḳhaar hai sham.a

jhāñknā parde se burī ḳhū hai

ḳhud-ba-ḳhud aap sharmsār hai sham.a

shab-e-tanhā.ī aur tū aur ye

ai 'qalaq' terī ġham-gusār hai sham.a

dida-e-sarf-e-intizar hai shama

meri haalat ki yaadgar hai shama

nahin dil mein kisi ke soz-o-gudaz

ki tamasha-e-rozgar hai shama

pae-jumbish sada taDapti hai

tapish-e-na-tawan shikar hai shama

ruKH-e-raushan hai nur-e-binai

chashm-e-ushshaq ka ghubar hai shama

roz-e-tira mein bad-numa KHurshid

shab-e-raushan mein tira-kar hai shama

yaad-e-gul-e-ruKH se phul jhaDte hain

kis bashashat se nau-bahaar hai shama

KHak nasur-e-dil bhare is ka

zaKHmi-e-girya-ha-e-zar hai shama

husn diwana sab ko karta hai

apne hi aap par nisar hai shama

subh hote hi TimTimati hai

aap ki chashm-e-pur-KHumar hai shama

kyun na roe na kis tarah se jale

ki fughani-e-raaz-dar hai shama

nahin bujhti lagi hui ji ki

shola-e-jaan-e-sogwar hai shama

hai idhar dagh-e-barq-e-parwana

aur udhar chashm-e-abr-bar hai shama

husn bhi hai maal-e-kar wabaal

bazm-dar-bazm kya hai KHar hai shama

jhankna parde se buri KHu hai

KHud-ba-KHud aap sharmsar hai shama

shab-e-tanhai aur tu aur ye

ai 'qalaq' teri gham-gusar hai shama