diwan wufur-e-gham se mera rah gaya ghalat

dīvāñ vufūr-e-ġham se mirā rah gayā ġhalat

mazmūñ ġhalat radīf ġhalat qāfiya ġhalat

ik ik ghaḌī firāq meñ sau sau baras kī thī

be-yār sab hisāb mah-o-sāl thā ġhalat

gar tum naqāb uThāo ruḳh-e-tāb-dār se

ḳhurshīd kā ho da.avā-e-nūr-o-ziyā ġhalat

ḳhush hai vahī razā pe jo sābit-qadam rahe

hotā nahīñ nasīb kā likkhā huā ġhalat

kis kis ḳhatā-e-kār ko 'nāyāb' ro.uuñ maiñ

mere har ek kaam kī hai ibtidā ġhalat

diwan wufur-e-gham se mera rah gaya ghalat

mazmun ghalat radif ghalat qafiya ghalat

ek ek ghaDi firaq mein sau sau baras ki thi

be-yar sab hisab mah-o-sal tha ghalat

gar tum naqab uThao ruKH-e-tab-dar se

KHurshid ka ho dawa-e-nur-o-ziya ghalat

KHush hai wahi raza pe jo sabit-qadam rahe

hota nahin nasib ka likkha hua ghalat

kis kis KHata-e-kar ko 'nayab' roun main

mere har ek kaam ki hai ibtida ghalat