dikha didar ai dildar mere

dikhā dīdār ai dildār mere

mire monis are ġham-ḳhvār mere

terī ulfat ne phūñkā jān-o-dil ko

shitābī le ḳhabar ai yaar mere

maiñ aajiz nā-tavāñ miskīñ gadā huuñ

shah-e-hind-ul-valī sarkār mere

karo nazar-e-atā ai shāh-e-ālī

suno dil ke kabhī iz.hār mere

tere kyā ishq ne aafat machā.ī

janāb-e-sayyad-e-abrār mere

tamāmī dil kā ho maqsūd hāsil

ayaañ hoñ dil meñ sab asrār mere

sadā hai ishq 'mīrāñ' shaah ke dil meñ

ho qismat meñ tirā darbār mere

dikha didar ai dildar mere

mere monis are gham-KHwar mere

teri ulfat ne phunka jaan-o-dil ko

shitabi le KHabar ai yar mere

main aajiz na-tawan miskin gada hun

shah-e-hind-ul-wali sarkar mere

karo nazar-e-ata ai shah-e-ali

suno dil ke kabhi izhaar mere

tere kya ishq ne aafat machai

janab-e-sayyad-e-abrar mere

tamami dil ka ho maqsud hasil

ayan hon dil mein sab asrar mere

sada hai ishq 'miran' shah ke dil mein

ho qismat mein tera darbar mere