dikha raha hun tamasha samajh mein aa jae

dikhā rahā huuñ tamāsha samajh meñ aa jaa.e

ki ek baar use duniyā samajh meñ aa jaa.e

ye log jā to rahe haiñ na.e zamāne meñ

duā karo inheñ rasta samajh meñ aa jaa.e

ġhalat na jaan ki āñkheñ nahīñ rahīñ merī

so chhū rahā huuñ ki chehra samajh meñ aa jaa.e

ḳhudā kare tujhe tahzīb-e-mai-kashī ho nasīb

ḳhudā kare tujhe nashsha samajh meñ aa jaa.e

ye log jang kī bāteñ nahīñ kareñge agar

galī meñ kheltā bachcha samajh meñ aa jaa.e

ham us ko apnā samajhte haiñ apnā mānte haiñ

jise hamārā ilāqa samajh meñ aa jaa.e

'nadīm' dūsrā un ko dikhā.ī detā nahīñ

'nadīm' jin ko bhī pahlā samajh meñ aa jaa.e

dikha raha hun tamasha samajh mein aa jae

ki ek bar use duniya samajh mein aa jae

ye log ja to rahe hain nae zamane mein

dua karo inhen rasta samajh mein aa jae

ghalat na jaan ki aankhen nahin rahin meri

so chhu raha hun ki chehra samajh mein aa jae

KHuda kare tujhe tahzib-e-mai-kashi ho nasib

KHuda kare tujhe nashsha samajh mein aa jae

ye log jang ki baaten nahin karenge agar

gali mein khelta bachcha samajh mein aa jae

hum us ko apna samajhte hain apna mante hain

jise hamara ilaqa samajh mein aa jae

'nadim' dusra un ko dikhai deta nahin

'nadim' jin ko bhi pahla samajh mein aa jae