dikha rahi hai jahan dhup ab asar apna

dikhā rahī hai jahāñ dhuup ab asar apnā

bikhertā thā vahīñ saaya ik shajar apnā

phaloñ kā ab ke bhī pahle se ho gayā saudā

daraḳht chhū na sakeñge koī samar apnā

bahut hī tez thā ḳhanjar havā ke hāthoñ meñ

bachā sakā koī taa.ir na bāl-o-par apnā

kabhī jo sāmne aayā to chhup gayā huuñ kabhī

ye ek khel rahā ḳhud se umr-bhar apnā

abhī to baaqī haiñ manzil kī Thokareñ kuchh aur

yahīñ pe ḳhatm nahīñ hai abhī safar apnā

ye kaun sham.a liye pesh pesh chaltā rahā

dikhā.ī bhī na diyā kaun thā ḳhizar apnā

nizām-e-jabr kī vo kar rahā hai phir tausī.a

baḌhā rahā hai vo phir halqa-e-asar apnā

koī nahīñ hai jo shamshīr chhīn le us se

chhupā.e phirtā hai har ek shaḳhs sar apnā

kisī pe khultā bhī kyā apnā karb-e-ġham 'mohsin'

na koī marsiyāñ-ḳhvāñ thā na nauhagar apnā

dikha rahi hai jahan dhup ab asar apna

bikherta tha wahin saya ek shajar apna

phalon ka ab ke bhi pahle se ho gaya sauda

daraKHt chhu na sakenge koi samar apna

bahut hi tez tha KHanjar hawa ke hathon mein

bacha saka koi tair na baal-o-par apna

kabhi jo samne aaya to chhup gaya hun kabhi

ye ek khel raha KHud se umr-bhar apna

abhi to baqi hain manzil ki Thokaren kuchh aur

yahin pe KHatm nahin hai abhi safar apna

ye kaun shama liye pesh pesh chalta raha

dikhai bhi na diya kaun tha KHizar apna

nizam-e-jabr ki wo kar raha hai phir tausia

baDha raha hai wo phir halqa-e-asar apna

koi nahin hai jo shamshir chhin le us se

chhupae phirta hai har ek shaKHs sar apna

kisi pe khulta bhi kya apna karb-e-gham 'mohsin'

na koi marsiyan-KHwan tha na nauhagar apna